Guðlaugur Örn Hjaltason

Vefarinn mikli....

Þetta lag verður númer eitt á plötunni FÓLK FER sem kemur út um leið og einhver nennir. Þetta er svona hundleiðinlegt popplag í g dúr. Píkupopp af bestu tegund....Ef gítar er við höndina þá er bara að renna í vinnukonugripin og þau standa undir textanum!

Skelltu laginu á (lagið er í tónspilaranum)og lestu í leiðinni. Ekki gleyma að syngja með.

VEFARINN MIKLI

(systkini systkina minna)

Fremstur á ferð um ókunnar lendur

frægar eru þínar hendur

Í smart-fötum góðum frá í gær

fyrirgefðu , kemst ég nær

Eins og grískra guða siður

gríðarlega vaxinn niður

í augunum þínum sé ég eitt

að undir mér er ekki neitt

viðl.

Ertu systkini systkina minna ?

Sérð´ekki til okkar hinna ?

en ég aðeins vildi á mig minna

í einfeldni minni má ég kynna

mig fyrir þér

Allt sem almáttugur tekur

upp með kossi strax þú vekur

og allt þú gerir og allt þú tryggir

ef vantar hús, þá hús þú byggir

Allt sem fróðir þér reyna að færa

fyrir löngu ert búinn að læra

þeir heppnu fá að sjá þinn heim

og hlusta vel er þú kennir þeim

Listina þínir laga fingur

lifnar allt þegar þú syngur

Ef almúgann langar að yrkja brag

þú allan bætir og semur lag

Allur án þín minn hverfur kraftur

kemur strax er sé ég þig aftur

Síðan Davíð og drottinn földu sig

dísus kræst þá hef ég þig

7/10 2005. © ILLUG

em-g-am-c-d-em

viðl.g-d-em-c-bm-g-c-em-c-d-g

Þið kannist öll við týpuna. Öll komment vel þegin…góð og vond!

Gulli litli.

Meginflokkur: Ljóð | Aukaflokkar: Bloggar, Tónlist | 25.4.2008 | 12:03 | Facebook

Athugasemdir

Kúlt! Ég mæli með þessu, Gulli minn.

Þorsteinn Briem, 25.4.2008 kl. 13:06

Og gleðilegt sumar!

Þorsteinn Briem, 25.4.2008 kl. 13:07

Takk ofur Steini og sömuleiðis gleðilegt sumar(á Íslandi, vræt)..

Gulli litli, 25.4.2008 kl. 13:12

Ég man eftir þessu lagi á þorrablótinu þar sem þú hitaðir upp fyrir okkur... híhíhí.

Ingvar Valgeirsson, 25.4.2008 kl. 20:10

skrifaðu mig niður fyrir einu eintaki af þessari plötu þegar hún kemur út fínasta lang og fínt að söngla með.... verð svo að fara að koma mér í heimsókn, þetta gengur ekki ... kær kveðja, Stína