Ég ætlaði að ......jájá.

Ég er rústir einar; það er búið að eyðileggja öll mín áramótaheit. Ég ætlaði að hætta að reykja, en þá fékk ég kveikjara í jólagjöf. Ætlaði að grenna mig og var alveg einbeittur þangað til ég fékk Kökubók Hagkaupa í jólagjöf. Ég get ekki byrjað að hreifa mig því þetta er kaldasti vetur í sögunni í dk. Eins ákvað ég um mitt síðasta ár að fara að leggja fyrir og spara, var að því kominn að leggja 100 kr til hliðar, hvað gerist þá? Forsetinn leggst undir feld til að spá í hvað við skuldum marga skrilljarða. Ég þorði ekki fyrir mitt litla líf að setja hundraðkallinn í banka eða á náttborðið og eyddi honum! Enda að öllum líkindum stórskuldugur maður. Það er svo ótrúlegt hvað jólagjafir og forsetar heimsins hafa mikil áhrif á líf lítilmagnans og góðan ásetning. Og nota bene; Ég er kominn á hanska og treflajólagjafaaldurinn....en samt. Er að spá í Páskaheitin mín núna......

Athugasemdir

[Anna Einarsdóttir, 4.1.2010 kl. 19:08]

Aumt er nú lífið hjá þér Gulli litli.  Og allt eyðilagt !  Nú verð ég að ráðleggja þér;  ef þú eignast pening, eyddu honum þá umsvifalaust í sígarettur og hveiti, sykur, rjóma og jarðarber.  Þá nýtast a.m.k. jólagjafirnar þínar.

[Brattur, 4.1.2010 kl. 21:31]

Fínn aldur trefla- og hanskajólagjafaaldurinn  

En talandi um að hætta að reykja þá dettur mér í hug stórreykingamaðurinn sem dæmdur var í fangelsi. Honum var afhent karton af sígarettum áður en hann var læstur inn í klefanum en engar eldspítur.
Svo sat fangavörðurinn fyrir utan og las bókina "Litla stúlkan með eldspíturnar".

[Röggi (IP-tala skráð) 5.1.2010 kl. 22:34]

Ég ætla að reyna að byrja að reykja og svo ætla ég að halda mottóin þrjú 1aldrei að fara í ljós 2 aldrei að fara í líkamsrækt 3 aldrei að fara á facebook og svo ætla ég að vera duglegri að borða kokkteilsósu á þessu ári en því síðasta.

Kv Röggi

[Gulli litli, 6.1.2010 kl. 14:58]

Anna; Hér eftir ert þú minn sérlegi ráðgjafi í fjármálum...þú hefur ráð undir rifi hverju og mörg rif...

Brattur; Meigi helv... bók fangavarðarins brenna í .......jájá..

Röggi; Þú hefur nú oft lofað að byrja reykja....en stendur aldrei við neitt..hitt skil ég vel nema ég datt inn í facebook ruglið..

[Anna Einarsdóttir, 6.1.2010 kl. 23:02]

Takk fyrir ómældan heiður. 

Síðan lofa ég að láta þig vita ef ég rifbrotna.

[Hrönn Sigurðardóttir, 9.1.2010 kl. 21:11]

Ég er litla stúlkan með eldspýturnar og eldspýtur fólkinu á götunni sel..... er húma tekur og kólna fætur þá rölti ég heim..... -þá rölti ég heim og aurana mína ég tel, tel, tel, tel, tel, tel, tel, tel.....

[Gulli litli, 11.1.2010 kl. 09:39]

Hrønn; Thad er vonandi meira verk ad telja peningana thína en mína!