Skafti..

Kári Lár frændi minn og eðalmenni sem býr vestur í Dölum ásamt Stínu sinni og nokkrum útikömrum sem eru í byggingu, sendi mér þessa mynd ásamt nokkrum öðrum. Myndin er af einum mesta töffara norðan Alpafjalla og þó víðar væri leitað. Þessi garpur er afi minn og hét Skafti Fanndal Jónasson. Hann dó langt fyrir aldur fram(finnst mér) í hitteðfyrra aðeins 91 ára. Það er auðvitað enginn aldur fyrir svona gaura. Hann hefur alltaf verið og verður alltaf mitt átrúnaðargoð í lífinu. Ef ég ætti að líkjast öðrum en sjálfum mér þá myndi ég vilja líkjast afa. Hann er mikill áhrifavaldur í lífi mínu og enn þann dag í dag er hann að leiðbeina mér. Þið haldið mig örugglega ljúga þegar ég segi að í hvert sinn er ég er að gera einhverja helvítis vitleysu(það kemur einstaka sinnum fyrir) eða er að láta skapið hlaupa með mig í gönur þá finn ég oft þessa dásamlegu pípulykt sem hann var þekktur fyrir. Ég held, nei ég veit að hann sé að minna mig á að haga mér eins og maður. Saga Skafta er svo samtvinnuð sögu Skagastrandar að hún ætti í raun að heita Skaftaströnd. Blessuð sé minning hans..

 

Gulli litli.

p.s Kári takk fyrir myndirnar 

Athugasemdir

[Axel Jóhann Hallgrímsson, 11.4.2008 kl. 09:22]

Gulli, ég á bara góðar minningar um afa þinn. Ég tek ofan fyrir jarlinum af Fjalli.

[Gulli litli, 11.4.2008 kl. 10:50]

Axel, það geri ég líka!!!

[Guðni Már Henningsson, 12.4.2008 kl. 03:32]

Ánægjukegt að eiga svona góðar minningar...

[Gulli litli, 12.4.2008 kl. 10:09]

Það er ómetanlegt!

[Jonni Þ (IP-tala skráð) 17.4.2008 kl. 15:53]

Þetta var MAÐURINN

[Gulli litli, 18.4.2008 kl. 19:11]

það er einmitt það sem ég segi, Jonni frændi gaman að sjá þig hér...

[Elín Íris (IP-tala skráð) 23.4.2008 kl. 10:03]

Sæll vinur, já það er mikill söknuður eftir afa, hann var líka goðið mitt og kletturinn í æskunni, þvílíkur öðlingur sem hann var. Það var sárt að hann skyldi kveðja á "besta aldri" því það var hann þannig séð, eins og unglamb að sjá ennþá, ef hann hefði látið vita af verknum í stað þess að láta sig hafa hann of lengi væri hann kannski enn á meðal vor. Hann er það nú reyndar eins og þú segir :) Takk fyrir heimboðið við eigum pottþétt eftir að þyggja það einhvern tímann. 'Eg er að útskrifast úr Félagsliða námi frá Borgarholtsskóla þann 24 maí og held uppá 45 árin um leið og þá verður sko ssskrrraaaansað með Evróvísíon ívafi :) Verið velkomin ef þið eigið leið ;) kær kv Elín

[Gulli litli, 23.4.2008 kl. 11:35]

Takk frænka....