Tónlist....Jens....Magni...Blogg..

Mikil umræða hefur skapast á bloggi Jakobs bassaskálds og Jens ofurbloggara um hvort tónlist ákveðinna listamanna sé vond eða góð. Hefur þar gætt fordóma. Jens hinn mikli tónlistarpælari hefur mikla fordóma gagnvart léttri popptónlist og Magni söngvari mikla fordóma gagnvart miðaldra bloggurum. Skoðun á tónlist er undarleg skepna og að vera bloggari er ekki síður skrítin skepna. Ég kannast vel við að hafa fordóma gegn tónlist. Ég get nefnt að t.d. disco var ofar mínum skilningi á sínum tíma, þó að í dag viti ég út á hvað það gengur. Ég get nefnt að Abba tónlist þótti mér alltaf skemmtileg þó að ég hafi ekki viðurkennt það á pönkárunum. Ég einn ásamt Ossy Osborne hef þá skoðun að Noddy Holder sé með mestu rokkrödd sem nokkurn tíman hefur komið fram. Og hver er nú Noddy Holder hugsa eflaust margir, en það er ekki það sem skiptir máli. Í dag tel ég mig vera ákaflega umburðalyndan og frjálslegan í skoðunum á tónlist og tekst yfirleitt á finna eitthvað við tónlistina sem mér líkar eða skil eða og helst hvoru tveggja. Ég hef þó steytt á skeri í þessari viðleitni minni, sem dæmi reyndi ég mikið að skilja Sniglabandið en játa mig sigraðan í því máli.  Tilgangur þeirra er vafalaust að vera fyndnir en fyrir mér eru þeir bara ekkert fyndnir. Annar kapítuli er svo ofmetnar hljómsveitir. Þegar ég hlusta á listamann eða hljómsveit sem ég hef aldrei heyrt í fyrr, byrja ég alltaf á að athuga hvort hann semji tónlistina sjálfur. Já, ég hlusta öðruvísi á þegar listamaður er að flytja eigin tónlist. Ég gef alltaf þrjár stjörnur fyrir það eitt að semja sjálfur. Ég hef aldrei heyrt svo ég muni í Á móti sól þannig að ég ætla ekki að dæma en ef þeir semja sína tónlist sjálfir þá eiga þeir strax inni þrjár stjörnur hjá mér. Ef að helmingur þjóðarinnar hlustar á þá, þá getur maður varla sagt að sá helmingur sé bara grunnhygginn og viti ekkert um tónlist. En Magni þú ættir að fara varlega í að kasta í miðaldra bloggara því hvort sem þér líkar betur eða ver, þá nálgast þú óðfluga þennan hræðilega miðaldur og ert boggari. Það gerist hraðar en þú heldur. Það er líka veikleiki að láta gagnríni fara í taugarnar á sér. Jens hefur líka verið brokkgengur í sinum dómum t.d. hélt hann því fram einu sinni að hann nennti ekki á tónleika með cover hljómsveitum eins og Deep Jimi and  the Zep Creams. Þeir eru ekki coverband frekar en Björk. Þarna eru bara fordómar og það gagnvart nafninu á hljómsveitinni. Nafnið lýsir hinsvegar bara hvaðan áhrifin koma. Niðurstaðan er alltaf sú að það er smekkur hvers og eins sem ræður. Það er ekki til vond tónlist, bara mismunandi eyru og skilningur.......

 Gulli litli

Athugasemdir

[Brattur, 7.8.2008 kl. 12:01]

... góð færsla Gulli... með árunum verður maður umburðalyndari á allan hátt.. í múskinni líka... ég hlusta á ýmislegt og finnst, eins og þér, lang skemmtilegast þegar listamenn semja sín lög sjálfir... þó er margt vel heppnað þegar að fólk tekur þekkt lög og gerir þau að sínu... (þó ekki alltaf!)... ég fór á myndina Mamma Mia um daginn og hafði mjög gaman af nýjum útsetningum á Abba lögunum...

[Kristján Kristjánsson, 7.8.2008 kl. 13:56]

Sammála þessu. Ég hef lengi verið fylgjandi fordómaleysi gagnvart tónlist og fleiri hlutum.Viðurkeni fúslega að ég var sjálfur fordómafullur þegar ég var yngri en það breyttist heldur betur þegar leið á. Þú getur bætt mig á listann með þér og Ozzy. Noddy Holder er einn langflottasti rokksöngvari sögunar. C'mon feel the noize!

[Guðni Már Henningsson, 7.8.2008 kl. 18:22]

Enn og aftur; það er bara til tvenns konar tónlist, skemmtileg eða leiðinleg!! Verð að játa að Öbburnar sænsku fara nett í pirrurnar á mér og hafa aldrei gert neitt fyrir mig. En það er ekki langt síðan að ég fór að fíla falsetturnar í GGibb bræðrum og Tragedy er undursamlegt lag!! Vælið í þeim í því lagi minnir á fyrsta flokks dýragarð!!! Takk fyrir pistilinn  og af því að þú ert staddur í Baunaveldi verð ég að játa að baunversk tónlist er leiðinleg og þetta eru ekki fordómar!!!!!!

[Gulli litli, 7.8.2008 kl. 19:15]

Brattur; takk fyrir komuna og Það er rétt hjá Þér maður verur umburðarlyndari með árunum. Oft tekst vel að "covera" og stundum svo vel ad lögin verða betri en orinalinn. Dæmi um Þetta er t.d. With A Little Help From My Friends vard betra í höndum Joe Cockers en Bítlana ad mínu mati..´´Eg Þarf að sjá Mama mía vid tækifæri..

Kristján Kristjánsson; Velkominn í hóp með okkur Ozzy. Ég tók mr. Holder sem dæmi vegna Þess að hann er almennt ekki viðurkenndur nema sem fígúra sem fæddist 250 ára og ófríður í hallærislegum ´fötum. En Það kemur tónlist bara ekkert við....Keep on rockin....

Guðni Már;Það er mikið til í Því en ég held að enginn framleiði vísvitandi leiðinlega tónlist. Öbburnar hafa í rauninni heldur ekkert gert fyrir mig nema Þær hafa sungið vel samin og frábærlega útsett popplög. Ég samÞykki að meirihlutinn af danskri tónlist er leiðinleg og ódýr en bendi á sólageisla inn á milli eins og Sort Sol.....Gibbagibb eru frábærir...

[Hrannar Baldursson, 7.8.2008 kl. 19:30]

Aðeins með aukinni þekkingu sigrumst við á okkar eigin fordómum og verðum þannig umburðarlyndari (held ég). En um umburðarlyndi: er gott að vera umburðarlyndur gagnvart þeim sem eru það ekki og uppnefna þá umburðarlyndu umburðarlyndisfasista?

[Gulli litli, 7.8.2008 kl. 19:34]

Hrannar; Þetta uppnefni hljómar bara vel....

[Haraldur Bjarnason, 7.8.2008 kl. 20:24]

Gulli, við þessir miðaldra höfum alveg jafn góðan smekk á tónlist og aðrir. Það er ekki til neitt eitt gott eða slæmt í tónlist, hún er öll góð en henta misjafnlega hverju sinni. Ég veit líka að hann Magni tengdasonur minn hefði ekki skammað mig fyrir að geyma allar gömlu plöturnar út í bílskúr ef hann hefði ekki áhuga á svoleiðis tónlist líka. Ég styð Magna í hans áliti en verð að viðurkenna að sum lögin sem eru á plötum hljómsveitarinnar hans eru óttalega litlaus og rokk og festa henta honum best. (og auðvitað eldgamlir slagarar líka) - Kveðja Halli (túkall)

[Gulli litli, 7.8.2008 kl. 21:01]

Minn kæri túkall ef Þú lest Þad sem ég skrifadi Þá er Þessu ekki beint gegn Magna. Ég er ad bidja um umburdarlyndi, líka gagnvart Magna og hann virdist heldur ekki skorta addáendur. Ég Þarf ad verda mér úti um Þessa tónlist hans Magna svo ég sé vidræduhæfur....

[Marta Gunnarsdóttir, 7.8.2008 kl. 23:35]

Sæll Gulli, mér finnst ég ekki nógu fróð til að taka þátt í umræðunni núna, en pistillinn er góður og þó ég hafi fengið mitt tónlistaruppeldi hjá Stefáni Íslandi og Guðna Má, þá þekki ég ekki nöfnin sem þú nefnir.... Guðni þarf að taka mig í fleiri tíma.

[Gulli litli, 7.8.2008 kl. 23:43]

Þad eru allir nógu fródir sem hafa skodanir. Allir hafa rétt til ad hafa skodanir á öllu og tjá sig um allt. Þetta eru nú engir smá frædarar sem Þú hefur haft....ég tek ofan. Takk fyrir Þitt innlegg Marta...

[Brjánn Guðjónsson, 8.8.2008 kl. 02:52]

ég hef fordóma gagnvart fólki með fórdóma

[Jac Norðquist, 9.8.2008 kl. 08:30]

Ég ætla alveg að játa það hér og nú Gulli, að skelfilegri alætu á tónlist en mig, finnurðu varla ! Ég fíla og hlusta á Alla ofannefnda tónlist, bæði í pistli þínum og kommentunum sem á eftir fylgja.... Já, meira að segja Stefán Íslandi ;)

Keep on Rockin, poppin, discoin,operaing og allt hitt ;)

Jac

[Gulli litli, 9.8.2008 kl. 10:34]

Brjánn; ég líka

Jac; það er fordómaleysi og er mjög gott...