Hlátur og grátur..

Það hlýtur að vera ótvírætt merki þess að maður sé að "komast á aldur" þegar maður á ekkert smábarn lengur. Eins og við hjónin sem erum búin að vera með smábörn í 25 ár og svo fer yngsta barnið í skóla og þá er allt í einu ekkert yngra eftir heima. Að fara í skóla er auðvitað stig upp á við í lífinu en maður veit ekki hvort maður á að hlæja eða gráta þegar ekkert smábarn er eftir. Næsti viðkomustaður er sjálfsagt barnabörn. Bara svona pælingar nú þegar maður þarf ekkert endilega að fara snemma á fætur um helgar...

 

 

 

Gulli gamli

 

Athugasemdir

[S. Lúther Gestsson, 6.9.2008 kl. 10:24]

Ég sit hér heima og bíð eftir að 4 barnið mitt komi í heiminn. Það þýðir að ég verð tæplega sextugur þegar ég fermi yngsta barnið. Er það ekki pæling út af fyrir sig.

[Gulli litli, 6.9.2008 kl. 10:36]

Það eru líka verðugar pælingar..

[Marta Gunnarsdóttir, 6.9.2008 kl. 19:49]

Einmitt, þú ert að eldast en það er ekki slæmt. Það fylgir því frelsi sem "ellin" hjálpar til við að við nýtum betur en frelsið sem við höfðum áður en börnin fæddumst. Nú vitum við hvað við viljum og njótum þess.

Hér talar (öldruð)kona með reynslu.

[Jenný Anna Baldursdóttir, 6.9.2008 kl. 20:12]

Yndisleg skólastúlka.

[Gulli litli, 7.9.2008 kl. 09:01]

Marta; vonandi er gott að eldast . En maður er ekki alveg viss.

Jenný; Takk fyrir, það finnst mér líka...

[Anna Einarsdóttir, 7.9.2008 kl. 11:30]

Sonur minn stækkaði svo hratt um tíma að ég upplifði að ég væri að minnka.  

Verulega sæt dama sem þú átt.

[Gulli litli, 7.9.2008 kl. 12:01]

Anna; Þekki tilfinninguna. Þakka þér..

[Brattur, 7.9.2008 kl. 13:27]

Að komast á aldur þarf ekki að vera slæmt... að eldast er eðlilegasti hlutur í heimi... og að börnin eldist líka... það er alltaf kaflaskil í lífinu... stundum eru þau erfið en stundum skemmtileg... það er bara að varðveita barnið í sjálfum sér, þá nær maður kannski að hægja á ferðinni

[Halla Rut , 7.9.2008 kl. 14:25]

Yndislegt.

Njóttu.

Eða komdu með eitt í viðbót.

[Gulli litli, 7.9.2008 kl. 17:05]

Brattur; Já þetta er allt hinn eðlilegi gangur lífsins og maður er nákvæmlega jafngamall og maður vill vera...

Halla; ég held ég njóti bara....

[Magnús Geir Guðmundsson, 7.9.2008 kl. 23:24]

Ja hvur helviskur minn góði Gulli LITLI, vissi ekki að þetta væri svona "slæmt", að Sunnanhefði risið svo hratt að þú hefðir fengið hálsríg!?

[Gulli litli, 8.9.2008 kl. 08:24]

Sunnan er nú bara einn fjórði af afurðum mínum..

[Gulli litli, 8.9.2008 kl. 12:18]

Og allt vaxið mér yfir höfuð..

[Rut Sumarliðadóttir, 8.9.2008 kl. 12:43]

Ekki alslæmt og langt frá því. Svo fær maður annað tækifæri með barnabörnin, maður getur gert betur en með börnin og er búinn að læra af reynslunni.

[Gulli litli, 8.9.2008 kl. 12:46]

Rut; Þakka þér fyrir þitt mjög svo uppörvandi innlegg, við reynum að nota reynsluna til að verða betra fólk..

[Jóna Á. Gísladóttir, 8.9.2008 kl. 12:48]

Æi hvað ég get alveg skilið þetta. Hver áfangi í lífinu er góður en getur jafnframt verið skrítinn að upplifa. Horfði nú á eftir mínum með tárvota hvarma fyrsta skóladaginn. Og svo færðist Ian upp núna á frístundaheimilinu.. færðist yfir í annað hús sökum aldurs og þá var það líka svona ó-móment. Maður verður baaaara viðkvæmari með aldrinum.

En dóttlan þín er alveg gullfalleg og ofsalega mikið krútt í bleika át-fittinu sínu.

[Gulli litli, 8.9.2008 kl. 12:57]

Jóna; Þakka jákvæð orð um þetta stig lífsins...Sex ára stelpa, það eru jú bleiku árin...Takk.

[Sunna Guðlaugsdóttir, 9.9.2008 kl. 08:04]

Sætasta stelpa sem ég þekki

[Magnús Geir Guðmundsson, 9.9.2008 kl. 21:42]

Hvað segirðu, "SÚ STUTTA" líka!?

[Gulli litli, 9.9.2008 kl. 21:49]

Nei , en fljótlega...