Stuttbuxnafyrirtækjabýttigaurar....

Var að horfa á Silfur Egils. Nennti ekki að leggja á minnið hvaða gæjarnir heita sem töluðu nema dr. Gunni (því hann er bara venjulegur meðaljón eins og við hin). Almennt var mórallinn í þættinum sá að nú væri tími til kominn að fara að vinna með höndunum ekki bara að býtta á bréfum. Sem sveitamaður hef ég aldrei skilið hvernig er hægt að græða endalausa peninga á fyrirtækjum sem eru kannski ekkert að græða..Bara með því að endurskipuleggja þau í drasl! Nú er til dæmis búið að stokka allan sjávarútveginn upp mörgu sinnum, landsbyggðin hefur lotið í gras og í útrásinni var bara orðið "halló" að eiga sjávarútvegsfyrirtæki. Enda búið að býtta svo oft að meira var ekki hægt að ná úr þeim. Eimskipafélagið er búið að ganga í gegnum margar uppstokkanir og er nú komið að fótum fram. Það getur ekki verið að helmingur þjóðarinnar eigi að lifa á einhverju býttibraski. En bíðið við; forstjóri Glitnis segir nú að við eigum að snúa okkur að sjávarútvegi og orku og semsagt fara að framleiða. Búa til verðmæti fyrir þessa gæja til að býtta með! Stuttbuxnafyrirtækjabýttigaurar; Farið út að vinna með höndunum og búa til verðmæti á því að framleiða, ekki á að spila Matador.

 

Gulli litli lummulegi...

Athugasemdir

[Rut Sumarliðadóttir, 22.9.2008 kl. 15:16]

Heyr gamli. Er nú bara alvarlega að hugsa um að flytja af skerinu. Komin með upp í kok að láta taka sig í þur.....rass.... Veistu um íbúð?

[Gulli litli, 22.9.2008 kl. 15:43]

Íbúð er nú minnsta málið held ég...

[Brattur, 22.9.2008 kl. 21:36]

... kannski maður fari bara að framleiða stuttbuxur fyrir þessa útrásargæja... þeir fara með margar á dag, alltaf að spila rassinn úr buxunum...

[Gulli litli, 22.9.2008 kl. 21:43]

Bara ekki býtta á stuttbuxum og einhverjum bréfum...það er ekki víst að þau séu pappírsins virði...

[Steingrímur Helgason, 23.9.2008 kl. 00:36]

Það að vera 'lummulegur' þýðir nú á mínum heimabæ að kynda þurfi undir kaffikönnunni & ná í 'hræríng'.

[Gulli litli, 23.9.2008 kl. 10:17]

Heima hjá mér þýðir lummulegur að vera hallærislegur....