Fína(Blackmore) og fallega(ég) fólkið..

Ég hef ákveðið að blása til sóknar. Miklar skipulagsbreytingar munu eiga sér stað á síðunni minni  næstu mánuðuna. Stefnt er að því að auka markaðshlutdeild verulega. Í mars 2010 er stefnt að því að aðsóknin verði að minnsta kosti 42 gestir á dag! Já, hljómar kannsi ekki í tengslum við raunvöruleikann, en þetta verður engu að síður gert. Ný ritstjórnastefna. Gripið verður til harkalegra aðgerða sem felast meðal annars í því að fjallað verður um heimsfrægt fólk sem ég þekki! Já, lesandi góður og þá á ég við ykkur báða(líka pabba). Þú hefur kannski haldið að ég væri bara nobody að norðan? Fyrst mun ég fjalla um hvernig ég kynntist Richie Blackmore......

 

Fyrir nokkrum árum síðan fórum við hjónin til Prag með starfsmannafélagi Arnars hu 1. Skemmtileg borg og skemmtilegt samferðafólk. Einn daginn vorum við konan á röltinu einhversstaðar í borginni og komum á svona útimarkaðstorg. Þetta var svona lengja af básum sem sem hlaðinn var allskonar glingri. Við grömsum þarna heillengi, skoðum og röltum um. Við löbbum svo fyrir hornið á einum básnum og þá geng ég beint og frekar harkalega í flasið á manni með hatt. Við afsökum og sorryum okkur í bak og fyrir og reynum báðir að taka á okkur skuldina. Þá sé ég að þetta er Richie Blackmore ásamt einhverri snákaleðurdrottningu. Við bara brosum vandræðalega og göngum afsakandi í burt. Konunni var fullkunnugt um aðdáun mína á hinum fingrafima gítarleikara og spyr alveg forviða; Hva, af hverju fékkst þú ekki að taka mynd af ykkur saman? Hver heldurðu að trúi þér? Huh hnussaði ég og svaraði grjótfúll; Hann þóttist ekki þekkja mig!

 

Gulli litli égþekkihannsvovel týpa

 

P.s. Myndina tók ég þegar við spiluðum saman á Wembley 1976. Ég hélt á myndavélinni..

 

Athugasemdir

[Rut Sumarliðadóttir, 24.9.2008 kl. 11:30]

Ég hélt á myndavélinni hahaha, það rifjaðist upp fyrir mér brandari að vestan; auglýsing auglýsing, árshátið á Bíldudal verðir haldin n.k. laugardaga, þið eruð bæði boðin!!

[Guðrún Ágústa Einarsdóttir, 24.9.2008 kl. 11:42]

 kv Gunna.

[Marta Gunnarsdóttir, 24.9.2008 kl. 13:34]

 Góður.

[Haraldur Bjarnason, 24.9.2008 kl. 16:08]

Þú þekki nú mig líka smá.....

[Gulli litli, 24.9.2008 kl. 16:56]

Takk fyrir ykkar innlegg. Já, Haraldur, við fræga fólkið þekkjumst innbyrðis.

[Ingvar Valgeirsson, 24.9.2008 kl. 19:12]

Blakkmor, smakkmore - Steve Morse er miklu flottari. Enda þekki ég hann, hitti hann fyrst 2004 þegar Pörpúl léku í Höllinni. Okkur Tónabúðingum tókst að fá hann til að vera með svokallað "clinic", hvar hann sýndi snilli sína. Fékk að sitja með honum heillengi og drakk með honum dæetkók. Það er reyndar viðurstyggð. Svo rakst ég á hann aftur í LA í fyrra og svo enn og aftur þegar Purple komu hingað nokkrum mánuðum seinna. Þá smellti ég mynd af honum, sem má finna á blogginu mínu (þar hélt ég alveg í alvöru á myndavélinni). Svo spilaði hann á gítarinn minn líka.

Afspyrnu næs kall, er með númerið hans í símanum mínum.

Ég vann. :)

P.s. Svo þekki ég Óskar bróður þinn og hef hitt þig líka - þú meira að segja hitaðir upp fyrir mig á Þorrablótinu.

[S. Lúther Gestsson, 24.9.2008 kl. 19:24]

Hérna Gulli minn. Þarftu að blogga þangað til 2010? Ég meina hvað þekkirðu marga þekkta einstaklinga? Ætlarðu að fækka færslunum í 3 á ári?

Ég meina Jens Guð telst ekki með til þekktra einstaklinga.

[Gulli litli, 24.9.2008 kl. 20:41]

Ingvar; Steve Morse er ekkert frægur. Allavega þekki ég hann ekkert. En ok, þú vinnur, þú þekkir mig og Óskar bró!

Lúther; Hver er Jens gud?

[Þröstur veiðimaður og trommari (IP-tala skráð) 24.9.2008 kl. 21:04]

Gulli minn, þú rakst á manninn en þekktir hann ekki, það var hún Kitta sem þekkti hann. :) En hver man ekki eftir Gullabar úti í Prag - hann klikkaði ekki. Gulli, við verðum að fara til Prag fljótlega og athuga hvort við rekumst ekki á bræðurna frá Líbanon.

Kveðja að norðan.

[Gulli litli, 24.9.2008 kl. 21:08]

Sko, frægur trommari....Steve Morse hvad?

[Aðalheiður og Róbert (IP-tala skráð) 24.9.2008 kl. 21:43]

Góður GulliVið viljum líka koma með til Prag!!!  BARA geggjuð ferð:)

[Steingrímur Helgason, 24.9.2008 kl. 21:47]

Gulli, ég dittóa með Íngvari Tónbúðíng, ég var á sömu tónleikum & hann var það ~zmartur~,  að maður sagði Richie Blackmore hvað, eftir tónleikana.

Guttinn er reyndar með álagzbletti eftir að 'Guitar Player' & fleiri slík rit velja hann gítarleikara árzins, í ~langebunen~ ...

Ég hins vegar bara skil ekki fólk sem að lánar gítarana sína...

[Gulli litli, 24.9.2008 kl. 21:57]

Adalheidur og Róbert; Bara nefna tímapunkt......æll bí ðer!

Zteingrímur; þad var RB sem samdi Zmoke on ðe voter. Ég gæti ímyndad mér ad búðingurinn hafi heyrt þad einu sinni til tvisvar í búdinn sinni..

[Ingvar Valgeirsson, 25.9.2008 kl. 10:16]

Reyndar var það ekki bara Blackmore sem samdi smókinn, heldur allt bandið í heild sinni. Ritchie átti stefið - það reyndar átti að vera ögn venjulegra, en "hálftónninn" kom alveg óvart vegna þreytu. Þá krafðist víst Lordinn þess að það héldist svona, þótti það flott.

Lordinn segir frá þessu á mynddiski sem ég á, hvar farið er yfir sögu nokkurra frægra popplaga - svona eins og klámmynd fyrir menn eins og mig. :)

[Magnús Geir Guðmundsson, 27.9.2008 kl. 22:02]

Hehehe, mikil massaskemmtun að lesa þetta!Lordarinn já ekki síður merkilegur en Blakkmúrinn!En blanda mér ekki í hvor sé frægari hann eða Morsinn!

[Gulli litli, 28.9.2008 kl. 09:30]

Allir erum við merkilegir menn!