Victoría, fyrrverandi kærasta pabba....

Já já ok ég var að ljúga. Frægasti maður sem ég þekki er Ingvar Tónabúðingur og Aðalheiður og Róbert sjoppueigendur á Skagaströnd! Hafið þið aldrei logið til að mikla ykkar persónu? Reyndar er ég meira fyrir að þekkja gott fólk en frægt. Gott fólk getur alveg verið frægt. En ég þekki bara gott fólk. En ég er þeirrar ónáttúru, að finnast afskaplega gaman að ljúga til gamans. Bara til að hlæja augnablik. Ég hef þó farið flatt á þessu og dauðséð eftir öllu saman. Þar sem ég er ekki frægur, þá má ég gera mistök. En sagan er svona;

 

Þegar sonur minn Huginn Frár var c.a. 6 ára var ég einu sinn staddur úti í bílskúr að bóna bílinn okkar. Hann kom og vildi spjalla og spyrja. Ég hinsvegar var ekki í neinu spjallstuði þannig að ég svaraði svona með hummi og hæji. Eins og öllum strákum er tamt, fór hann að gramsa í gömlu drasli. Og spyr og spyr og spyr. Var nú svo komið að ég svaraði bara einhverju og alveg útí hött. Þá rekst hann að gamlar Spice girls myndir frá systur sinni. Þessar myndir líta út eins og ljósmyndir heimilisins. Og hann spyr; Hva, þekkjum við Victoriu Becham?

"Já" sagði ég. "Við Victoría vorum einu sinni saman"

H; "Ha......og þekkjum við David Becham líka?"

É; "Já, hann er jú nýi kærasti Victoríu"

H; "Veit mamma þetta"?

É; "Já, ég neyddist til að segja henni þetta því þau eru að koma í heimsókn um helgina"

H; "Er David Becham að koma og heimsækja okkur? Er hann frændi minn?

Nú vissi ég að ég hafði gengið of langt í lyginni því hans hreina barnshjarta logaði af tilhlökkun.

É; "Nei hann er ekki frændi okkar" og reyndi að draga úr.

H; "Heldurðu að David sé til í að keyra mig og Ívan Árna í skólann?"

É; "það er svo stutt í skólann maður" nú var ég kominn í verulega klemmu.

H; "Erum við með símanúmerið hjá þeim?"

É; "Hlauptu inn og biddu mömmu um að finna rauðu bókina með símanúmerunum hjá gömlu kærustunum mínum og þar er númerið". Ég vissi að mamman myndi finna leið út úr þessu. Hann endasentist inn og hrópaði;

"Mamma, mamma, pabbi þarf rauðu bókina með símanúmerunum hjá gömlu kærustunum hann þarf að hringja í Victoríu Becham"

M; "Veistu að pabbi þinn á enga rauða bók með símanúmerum. Góði láttu hann ekki ljúga að þér". 

H; "Jú víst, pabbi og Victoria voru einu sinni kærustupar!"

M; "Nei, hann er bara að plata þig"

H; "Var pabbi að plata?"

M; "Já og það er ljótt af honum". Hann kom niðurlútur til mín út í skúr og sló öll met í þögn. Vonbrigðin með pabbann voru augljós. Hann setti frystirinn á fullt. Það tók hann langan tíma að fyrirgefa pabba sínum þetta. Enn þann dag í dag þegar minnst er á þetta tilvik blóðroðnar hann og reyndar ég líka...Því það var ég og Mel C sem vorum saman....

 

Gulli litli lygalaupur

p.s. Myndin er tekin við hafnarvogina á Skagaströnd..

Athugasemdir

[Hrönn Sigurðardóttir, 25.9.2008 kl. 15:06]

hahahahah! Mér þykir alveg ferlega gaman að ljúga - enda roðna ég þegar ég segi satt!

........en - ég var að velta því fyrir mér hvort þú gætir spurt Victoriu hvernig hún fer að því að láta kjólinn tolla?

[Rut Sumarliðadóttir, 25.9.2008 kl. 15:53]

Sá strax að þetta varst þú

[Jóhanna Karlsdóttir (IP-tala skráð) 25.9.2008 kl. 17:18]

BBaahhh þú er snillingur.

[krissi B (IP-tala skráð) 25.9.2008 kl. 17:37]

Kannast við þessa tilburði en ég skellti samt upp úr,hví hættirðu ekki þessu daglega harki og gefur út svo sem eina bók á ári og slærð út Munchausen!!!

Kær kveðja (bara að plata).

[Gulli litli, 25.9.2008 kl. 20:12]

Hrönn; ég hringdi og hún er med franskann rennilás á brjóstunum!

Rut; Þú hefur audvitad Þekkt úrid mitt!

Jóhanna; Vid erum skyld!

Krissi; Þú ert nú alveg hradlyginn!

[Marta Gunnarsdóttir, 25.9.2008 kl. 20:42]

[Jenný Anna Baldursdóttir, 25.9.2008 kl. 21:24]

Þú ert kvikindi en skemmtilegt kvikindi.

[Steingrímur Helgason, 25.9.2008 kl. 21:55]

Mér líkar lygið fólk...

Nei, ég lýg því...

Eða ....

[Brattur, 25.9.2008 kl. 23:11]

... ég á þetta líka til að upphefja mig á frægum... geng t.d. brosandi um núna og segi; Gulli litli er bloggvinur minn

[Gulli litli, 25.9.2008 kl. 23:56]

Marta; Takk fyrir.....

Jenný; Kvekendi jájá..Hann lætur reyndar ekki ljúga ad sér í dag..

Zteingrímur; Nú lýgur Þú eins og Þú ert langur til..

Brattur; Já, ég Þekki Þig svo vel...

[Guðrún Ágústa Einarsdóttir, 26.9.2008 kl. 13:56]

Þú ert nú alveg brill... 

Kv Gunna.

[Ingvar Valgeirsson, 26.9.2008 kl. 15:10]

Ég toppa þetta ekki.

[Kristján Kristjánsson, 26.9.2008 kl. 17:46]

Úps! Þetta kallar maður að koma sér í klípu :-)

[Gulli litli, 26.9.2008 kl. 18:35]

Gunna; Takk

Ingvar; Nanananabúbú

Kristján; Já mér leid ekki vel rétt á medan..

[Sunna Guðlaugsdóttir, 26.9.2008 kl. 20:33]

Já, ég man eftir fyrstu 5 skiptunum sem maður trúði einhverju svona.. Síðan missti maður alla trú á þér. Á enn í vandræðum með að treysta öðru fólki og svona og á eflaust eftir að eiga það að eilífu, en fyndið var þetta 

Nei, ég er að plata. Nokkuð góð í því. Lærði af þeim besta

[Gunnar Th. Gunnarsson, 27.9.2008 kl. 05:42]

Skemmtileg saga

[Gulli litli, 27.9.2008 kl. 07:43]

Sunna; Huginn þurfti bara eitt skipti....

Gunnar; Takk..

[Magnús Geir Guðmundsson, 27.9.2008 kl. 22:15]

Vona bara að stráksi hugi, já hann Hugi ekki á hefndir!

En að þú þekkir ekki gott og frægt fólk?

Gleymdir nú alveg honum Rögga!

Miklu frægari en sveppagerpið hann Ingvar!

[Fjóla Æ., 27.9.2008 kl. 22:24]

Mér fannst ég kannast við umhverfið.

[Gulli litli, 28.9.2008 kl. 09:22]

Magnús; Huginn er margbúinn að hefna sín á pabba sínum! Röggi og Ingvar eru fyrst og fremst gott fólk...

Fjóla; Það sést í Skuffugarðinn í baksýn..