Stuttbuxnafyrirtækjabýttigaurar....

Var að horfa á Silfur Egils. Nennti ekki að leggja á minnið hvaða gæjarnir heita sem töluðu nema dr. Gunni (því hann er bara venjulegur meðaljón eins og við hin). Almennt var mórallinn í þættinum sá að nú væri tími til kominn að fara að vinna með höndunum ekki bara að býtta á bréfum. Sem sveitamaður hef ég aldrei skilið hvernig er hægt að græða endalausa peninga á fyrirtækjum sem eru kannski ekkert að græða..Bara með því að endurskipuleggja þau í drasl! Nú er til dæmis búið að stokka allan sjávarútveginn upp mörgu sinnum, landsbyggðin hefur lotið í gras og í útrásinni var bara orðið "halló" að eiga sjávarútvegsfyrirtæki. Enda búið að býtta svo oft að meira var ekki hægt að ná úr þeim. Eimskipafélagið er búið að ganga í gegnum margar uppstokkanir og er nú komið að fótum fram. Það getur ekki verið að helmingur þjóðarinnar eigi að lifa á einhverju býttibraski. En bíðið við; forstjóri Glitnis segir nú að við eigum að snúa okkur að sjávarútvegi og orku og semsagt fara að framleiða. Búa til verðmæti fyrir þessa gæja til að býtta með! Stuttbuxnafyrirtækjabýttigaurar; Farið út að vinna með höndunum og búa til verðmæti á því að framleiða, ekki á að spila Matador.

 

Gulli litli lummulegi...

Hrökkbrauð..

er rétta heitið á Selfossprestakalli núna, þar sem sr. Gunnar hrökk frá brauðinu..En auðvitað grafalvarlegt mál...

 

Gulli litli góði..

Gunnar lýsir yfir sakleysi

Vísitöluvolvoleiðindi..

Öll þekkjum við Volvo 144. Þennan ferkantaða bíl sem karlarnir með hattana keyra. Mjög leiðinlegt útlit og þreytt finnst mér. Þó afskaplega dugmiklir og traustir bílar. En svona hafa ekki allir Volvo bílar verið. Það er að segja með "leiðinda famelíu vísitölu karla með hatt" útlit. Volvo hefur átt skemmtilega og sportlega spretti í hönnun. Svo sportlega að bíllinn þeirra hefur komist í sjónvarpspennu-þáttaröðina The Saint eða Dýrðlingurinn eins og mig minnir að þættirnir hafi heitið á ástkæra ylhýra. Þar ók Roger Moore ofur- töffari Volvo p1800.....Um miðjan sjötta áratuginn vantaði Volvo sportbíl inn í sína framleiðslu eftir hörmungarsögu p1900 bílsins sem var algerlega misheppnaður. P1900 seldist aðeins í 68 eintökum! Hugmyndina af p1900 fékk einhver snillingurinn hjá Volvo þegar hann sá Corvettu á sýningu. Bíllinn var framleiddur úr trefjaplasti eða fiberglass. Bíllinn var hörmulegur í alla staði og var hætt við framleiðslu eftir þessi fyrrnefndu 68 eintök, og bíltúr sem einhver yfirmaður Volvo fór á svona bíl og hélt að hann myndi hrinja yfir sig. En þá aftur að p1800 bílnum. P1800 var framleiddur með b18 vél og svo seinna b20. Hann varð þokkalega vinsæll og var framleiddur frá 1961 til 1973 í 47.492 eintökum og er mjög eftirsóttur bíll hjá söfnurum í dag. P1900 er auðvitað mjög vinsæll líka hjá söfnurum í dag og þar sem mjög fá eintök eru til. Þá að enn einum Volvo. Við semsagt munum öll þennan leiðinlega trausta Volvo 144. Bandaríkjamenn á þeim tíma (sjöunda áratugnum) gerðu aðallega kröfur um tvennt þegar kom að bílum. Þeir áttu að eyða miklu bensíni og vera með langt húdd (hood). Svar Volvo við þessum kröfum kanana, var einföld. Þeir tóku Volvo 144 og lengdu hann um 15-20 cm, bættu tveimur cylindrum(b30) við og leðurinnréttuðu og kölluðu Volvo 164. Þetta er auðvitað smá einföldun. Bíllin er mjög sportlegur að framan. Minnir á Rolls svei mér þá. Hann var fyrst hannaður seint á sjötta áratugnum og þá fyrir heimamarkað sem þótti of lítill. Svo var rykinu dustað af hugmyndinni er bandaríkjamenn fóru að krefjast meiri luxus og stærri véla. Volvo 164 var framleiddur frá 1969 til 1975  í 146.008 eintökum. Þetta skrifa ég eingöngu af því ég er svekktur yfir því að fá ekki að fá ekki svör við spurningu minni um Adam og Evu og það getur meira en vel verið að ég haldi áfram svona leiðindum. Þar hafið þið það...

 

Gulli litli fílurass...

Veit þetta einhver?

Adam og Eva áttu tvo syni Kain og Abel. Mig langar óskapleg að vita hvaðan konurnar koma? Með hverjum átti hver börn svo að fjölgaði í heiminum?Ég viðurkenni vel að ég er ekki trúaður og illa að mér í Biblíunni. Maður gerði margt skemmtilegra í skólanum í gamla daga en að hlusta á Biblíusögur þó þær séu margar skemmtilegar. En semsagt; Hvaðan koma konurnar?

Óskabarn þjóðarinnar rassskellt...

Einhversstaðar stendur að byltingin borði börnin sín. Ég eyddi 12 árum viða að berjast við þennan þurs í mínum fyrirtækjarekstri. Öll árin var ég hafður að fífli og mínu fyrirtæki haldið þannig, að það gat hvorki lifað eða dáið! Auðvitað endaði það þannig að ég hætti, skellti hurðum og fór með margra milljóna skuld út á bakinu. Eyddi næstu fimm árum á eftir í að greiða skuldir mínar og forðast persónulegt gjaldþrot með sjómennsku og fleiri störfum. Ég gæti komið með endalausan lista einyrkja úr flutningabransanum sem hefur sömu sögu að segja. Ég var ungur og gat rifið mig upp. Það voru hinsvegar margir sem voru orðnir gamlir í hettunni og þekktu engin önnur störf en að þjóna sínum heimabyggðum. Engum var lofað að hætta með örlítilli reisn. Allir voru keyrðir í kaf. Ég horfði á eftir mörgum vini mínum í gjaldþrot og þá niðurlægingu að þurfa að sitja og standa eins og ófreskjan sagði. Samskip hagaði sér eins. Með offorsi var heilli starfsstétt eytt..............Auðvitað gleðst ég ekki yfir ástandi Eimskipa núna en þeir höfðu nú engar sérstakar áhyggjur af mér á sínum tíma og öllum mínum gömlu félögum.. Allir muna hvernig þessi mafía fór með Björgólf á sínum tíma...Nú verður það líklega hann sem hysjar upp um Eimskip eftir flenginguna....Ég þurfti að hysja upp um mig sjálfur..

p.s Ég vona að forstjórinn fái launin sín, þó að ég hafi ekki fengið mín...

Segir Eimskip skulda sér laun

Hin óhreinu börn Adams og Evu?

Þetta er svona nett pirringsblogg.....Nei annars, það þarf meira til að koma mér úr jafnvægi. Þannig er að nú er eplauppskeran í hámarki. Góð og safarík epli út um allt. Þá meina ég út um allt. Á hverju degi er innkeyrslan hjá mér full af eplum. Ekkert við það svosem að athuga, nema að þessi epli tilheyra nágranna okkar. Eplatrén standa á lóð nágrannans og því er uppskeran hans. En hann hefur engan áhuga á þessari uppskeru enda nóg af eplatrjám(tréum) allsstaðar. Ég verð núna að skjóta inn í vísu eftir vin minn til mjög margra ára Rögnvald gáfaða og ég vona að hann rukki mig ekki um nein gjöld þess vegna;

Upphafsmaður skógræktar á Íslandi...

 Hann gróðursetti hríslu
Sem náð'onum upp að hnjám
Þúsund árum síðar
Var allt útatað í trjám

Alla vega stend ég sveittur við að hreinsa epli nágranna míns upp úr innkeyrslunni minni. Talandi um Adam og Evu. Við vitum öll að  Adam og Eva áttu tvo stráka. Þá spyr ég. Hvaðan koma konurnar?Veit það einhver?

 

Gulli litli eplapæ..

Að vera veikur...það eru hinir.

Þetta passaði alveg upp á punkt og prik. Ég er búinn að vera í viðræðum við verkstjórann og forstjórann um verulega kauphækkun mér til handa, mánuðum saman. Ég er búinn að tala fjálglega um kosti mína og reynslu og reynt að gera þeim ljóst hvurslags eðalstarfskraftur ég er. Er skemmst frá því að segja að ég fékk það sem ég vildi. Meðal annars vegna þess að ég er aldrei veikur! Þannig hefur það verið síðastliðin 28 ár og auðvitað 15 árin á undan í sveitinni...Þess vegna var það mjög erfitt og pínlegt að hringja í verkstjórann og segja; Kim......jeg er syg. En hann brást þannig við að hann sjálfur er nú óvinnufær vegna hláturs!

 

Gulli litli hálsbólgu og hita hetja..

Skorstensfejeren kommer torsdag...

Þessi tilkynning beið mín í póstkassanum. Ég er svo mikið dæmalaust barn að mér finnst vera ákveðinn ævintýraljómi yfir (ja hvað er nú skorstensfejer á íslensku?Eina sem mér finnst ég hafa heyrt er sótari) sótarastarfinu. Jimjimmijim jimjimmi .... Hvað hét nú aftur myndin með Julie Andrews fljúgandi á regnhlíf? Ég varð alveg heillaður þegar ég sá sótara í fyrsta skipti og það eru bara svona þrjú ár síðan. Þeir eru eins og í ævintýrunum, með stórann pípuhatt, þar sem þeir geyma bókhaldið sitt, svartklæddir upp úr og niðurúr. Þeir bjóða góðan dag og taka ofan og þéra mann. Mjög virðulegt og greinilega mikið lagt upp úr að halda í gamlar hefðir. Var aldrei nein sótarahefð á Íslandi?

 

Góðar stundir fallega fólk..

Nú er ég alveg að deyja úr hissu

Ja, heimur versnandi fer.

 

 

http://blekpenni.blog.is/blog/blekpenni/entry/636961/#comments

 

Gulli litli hissasti maður á Íslandi staddur í Danmörku...

 

Tilvistarkreppa...

Ég var farinn að upplifa mig svolítið einangraðan tónlistalega eftir að vinir mínir og sálufélagar Þór Sigurðsson og Jón Sigurðarson fluttu frá mér á landið bláa. Það meira að segja hvarflaði að mér að flytja á eftir þeim í niðursveiflubingóið þarna heima. En nú er ég feimni sveitastrákurinn á útkíkki hér í DK eftir fólki sem er svona álíka bilað og ég. Þetta útkíkk mitt varð til þess að ég skráði mig í sangskrivere klub sem reyndar er að lognast út af. Þar náði ég að kynnast tveimur tónlistarmönnum, annarsvegar Svend, skemmtilegur gítarleikari með rödd eins og Bob Dylan og hinsvegar rúmlega sextugri amerískri söngkonu og píanóleikara sem hljómar á köflum eins og Kate Bush. Þessir ágætu lagahöfundar og tónlistarmenn vilja gjarnan prófa einhverskonar samvinnu og nú bíð ég spenntur hvert þetta leiðir okkur. En samt ég ég sakna gömlu félaganna..Rögnvaldur gáfaði, Hreinn viðbjóður, Dósi, Hjörtur fokkin ei, Þröstur, Fannar, Stjáni Blö, Þorvaldur Skafta, Þór Sig, Nonni metall og svo mætti endalaust telja....

Gulli litli væmni.