Guðlaugur Örn Hjaltason

Færsluflokkur: Bloggar

Mökunarsérfræðiaðstoð í raunvöruleikanum...

Jæja góðir hálsar og aðrir ágætir útlimir. Nú get ég ekki orða bundist lengur. Eru völdum mínum og áhrifum engin takmörk sett? Ég er hér í sveita míns andlits að leiða íslensku þjóðina í einar mestu fjárhagslegu ógöngur sem um getur, eiginlega einn eða..... ja ég geri alla vega ekki minna gagn en stjórnmálamennirnir....og það geri ég með því einu, að gera ekki neitt. Nú er svo komið að ég verð að gera örstutt hlé á að leysa íslensku þjóðina úr fjötrum, því nú hefur danska þjóðin leitað til mín. Já, hróður Gulla litla berst víða. Ég fékk bréf frá Region Psykiatrisk Center Rigshopitalet þar sem ég var beðinn um að "hjælpe os til at blive klogere på danskernes seksualliv". Takk fyrir. Er einhver hissa á að ég setji þessar smápústrur uppi á Íslandi á hóld? Jæja en alla vega til að fyrirbyggja allan hugsanlegan misskilning, þá er ekki um neinar verklegar leiðbeiningar eða ráðgjöf að ræða því miður. Ég fór undir eins að velta fyrir mér hvernig stæði á því að ég yrði fyrir valinu í verkefnið, datt kannski í hug að hróður minn hefði borist út fyrir landssteinana, þegar ég um árið, var með tennurnar og hárið. Jæja, ég ákvað að gera mitt besta í ráðleggingum, visku og skemmtilegum minningum frá síðustu öld, það er að segja, þegar var eitthvað kynlíf til staðar hjá mér. Þar stendur einmitt hnífurinn í kúnni. Skemað sem ég þurfti að fylla út (ásamt þúsundum annarra....vildi bara ekki segja það strax..hitt lítur betur út fyrir mig), náði eingöngu til síðustu fjögurra vikna. Þannig að allar spurningar um fjör í rúminu var ég neyddur til að svara neitandi samvisku minnar vegna. Ég er ekki frekur til fjörsins, því að Halldór Kiljan Laxness er sá eini sem hefur haft ofan af fyrir mér í rúminu síðustu vikur. En þið verðið að viðurkenna að þetta leit vel út í byrjun boggs...

Gulli litli ....rismikill og og og og....jájá.

Gott lyf við heimsku.....

Um þessar mundir sit ég tölvunámskeið(eða stend allt eftir því hvernig ég er í bakinu). Það eitt og sér er ekki í frásögur færandi, nema hugsanlega sú bjartsýni að halda að ég geti lært eitthvað. En ég meina, það er til fullt af fólki sem heldur að meðal Jóninn geti borgað Icesave...þannig að ég á mér kannski von. En ég ætlaði ekki nema að litlu leiti að tala um gáfur mínar, því þær skíra sig sjálfar. Þannig er að ég er áhugasamur um fólk og eðli þess. Fyrstu kynni segja oft mikið um persónur og viðhorf þeirra til lífsins. Mér finnst Danir sérstaklega áhugaverðir sökum þess hve opnir þeir eru og yfirleitt með góðan húmorískan sans. Á þessu tölvunámskeiði kynntist ég einum góðum. Fyrsta daginn var enginn í tölvunni við hliðina á mér. Ég veitti því enga sérstaka athygli og hélt að það væri bara króníska Skagfirska fjósa og fiskifýlan sem hefur fylgt mér frá barnæsku, eða að það stæði utan á mér að ég skuldaði í Icesave og væri glæpamaður að upplagi. En á degi tvö vogaði sér ungur maður í stólinn við hliðina á mér. Hann með þennan skemmtilega danska stíl að koma beint að efninu sagði strax; "ég heiti Lars og ég er heilaskaðaður". Ha? Nú? sagði ég eins og fálki...en náði svo að ropa út úr mér..ja ég heiti Gulli litli og ég er bara fæddur svona..."já en ég hef pappír upp á það...en þú? hefur þú einhverja afsökun?" sagði þessi nýji danski vinur minn þá og við auðvitað sprungum úr hlátri. Góð og skemmtileg viðkynning þarna. Svo fræddi hann mig á því að hann hefði fyrir mörgum árum lent í slysi og hefði bevís upp á að hann væri heilaskaðaður eftir það en hann fyndi enga breytingu...það hafi líklega ekki verið mikið fyrir til að skaða....skilaboð dagsins hjá dr. Gulla litla; Við eigum ekki að taka okkur allt of alvarlega.....Þetta gera þá 8 þús. krónur...takk.

Ég ætlaði að ......jájá.

Ég er rústir einar; það er búið að eyðileggja öll mín áramótaheit. Ég ætlaði að hætta að reykja, en þá fékk ég kveikjara í jólagjöf. Ætlaði að grenna mig og var alveg einbeittur þangað til ég fékk Kökubók Hagkaupa í jólagjöf. Ég get ekki byrjað að hreifa mig því þetta er kaldasti vetur í sögunni í dk. Eins ákvað ég um mitt síðasta ár að fara að leggja fyrir og spara, var að því kominn að leggja 100 kr til hliðar, hvað gerist þá? Forsetinn leggst undir feld til að spá í hvað við skuldum marga skrilljarða. Ég þorði ekki fyrir mitt litla líf að setja hundraðkallinn í banka eða á náttborðið og eyddi honum! Enda að öllum líkindum stórskuldugur maður. Það er svo ótrúlegt hvað jólagjafir og forsetar heimsins hafa mikil áhrif á líf lítilmagnans og góðan ásetning. Og nota bene; Ég er kominn á hanska og treflajólagjafaaldurinn....en samt. Er að spá í Páskaheitin mín núna......

Afrekaannáll 2009....

Vegna fjölda áskorana og tuðs og suðs hef ég ákveðið að lista upp afrek mín á árinu sem er að líða. Verður ekki farið mjög náið í afrekin og ekki út í nein smáatriði einfalldlega sökum þess að það yrði og langt mál og algerlega óvíst að lesendur mínir báðir(já þú líka pabbi) myndu halda út þá lofgjörð. Verður þetta einföld upptalning til að gera ekki lítið úr þeim sem ekkert gerðu og engu nenntu á árinu.

1. Árið byrjaði vel hjá mér....ég stóð algerlega við áramótaheitið mitt....slappaði af í jan.

2. Man í fljótu bragði eftir að hafa vaskað upp í febrúar!

3. Mars var átakamánuður hjá mér.....ég fór í bað.

4. Apríl.....man ekki eftir neinu sérstöku, en ég hlít að hafa gert eitthvað afgerandi.

5. Maí er alltaf annasamur hjá mér....ég dreif mig í að eiga afmæli maí...líka á árinu þar á undan.

6. Júní.......gaf 50 krónur danskar til Hjálpræðishersins í Aarhus...til að þau þyrftu ekki að syngja.

7. Júlí var einfalldlega of heitur til að gera nokkurn skapaðan hlut!

8. Ágúst....sjá júlí.

9. September...var svo þreyttur eftir annríki ársins að ég fór til Tyrklands..

10. Október....hvíldi mig eftir Tyrklandsförina á Íslandi....Þetta er almennur fengitími..en ég hafði ekki orku...

11. Nóvember...fór allur í að undirbúa desember..

12. Desember fór í að jafna sig eftir undirbúninginn í nóvember fyrir desember...og eitt enn; fór aftur í bað....

Munið bara elskurnar að það er hugurinn sem skiptir máli ekki hvað þú gerir..

Gulli litli zzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzz

B.D. Hjaltason er látinn......aftur.

Þetta er sorgarblogg! Þannig er að ég missti nákominn ættingja á dögunum. Eða öllu heldur dó hann 2006 í hörmulegu námuslysi. Ég geng nú um í svörtum sorgarklæðum svona til öryggis, ef ske kynni að ég hafi þekkt B.D. Hjaltason. Hann hótar nefnilega að arfleiða eða kannski afvegaleiða mig af 17,8 milljónum dollara. Nú er svo komið að mig rámar þónokkuð í hann bara akkúrat núna. Ég sé fyrir mér Wrigleys tyggigúmmí og Chevrolet Impala....rauðan. Eina sem ég þarf að gera er að gefa einhverjum Múhamet Ahma lögfræðingi upp netbankann minn á facebook og málið er í höfn.

G.O. Hjaltason gáfnaljósleiðari....

Þjófar án sjálfsvirðingar....

Nú er komið að því að hefja starfsheitin útrásarvíkingur og auðmaður til vegs og virðingar. Þeir í rauninni láta sig jafnrétti miklu skipta. Þegar þeir ræna okkur, þá ræna þeir okkur öll. Þeir fara ekki í manngreiningar þegar kemur að því að féfletta, því þeir ræna okkur allt og öllu. Er þá enginn undanskilinn. En til eru þjófar með enga virðingu. Þannig er að í þrígang hefur verið brotist inn í geymslur okkar bræðra. Hefur það verið gert með hefðbundnum látum, hurðarbrotum og tilheyrandi. Ósköp eðlileg vinnubrögð í þessum geira. Í geymslum þessum geymum við svona hefðbundin fótanuddtæki og ýmislegt misnotanlegt dót úr sjónvarpsmörkuðum liðinna áraog búslóðina mína. En það sem vekur undrun mína í þessari innbrotahrinu er það, að aldrei er neitt tekið sem tilheyrir mér. Er nú svo komið að ég er orðinn sármóðgaður út í þjófana. Ég meina; hvað er að mínu dóti? Ég hef næstum alla mína búslóð í geymslunni og ekki í eitt skipti hafa ræningjarnir séð ástæðu til að stela frá mér? Mér finnst þessir menn gera lítið úr lítilmagnanum.......Má ég þá heldur biðja um góða útrásavíkinga með sjálfsvirðingu....

Gulli litli sármóðgaði..

Þar sem Djöflaeyjan rís.....

Hafi einhver haldið Gulli litli væri dauður, þá staðfestist það hér með sem stórlegar ýkjur. Hafi einhver haldið að það væri ekki allt í toppformi á Íslandi, þá eru það enn meiri ýkjur. Ég var nefnilega staddur á Djöflaeyjunni sjálfri, sjálfur. Er skemmst frá því að segja að annað eins magn af mat og drykk hef ég aldrei innbyrgt á jafnstuttum tíma það er að segja einum mánuði. Aldrei hef ég kysst jafnmargar frænkur, frænda, gamlar kærustur og gamla skólafélaga og vini eins og í þessari ferð.....ég var satt að segja farinn að halda að ég væri eitthvert númer....engar áhyggjur......ég fæ oft ranghugmyndir en mér jafnharðan gert ljóst hið rétta í málinu og það fær flýtimeðferð um leið og ég fer að finna til mín. Kannski hefur það eitthvað að segja, að langt er um liðið frá því að ég var þar síðast, og fólk sjálfsagt löngu búið að gleyma hversu hrút andskoti leiðinlegur ég er í raun og veru. En þá að því sem ég ætlaði að tala um. Það var nefnilega ein frænka sem ég gleymdi að kyssa og það var Kreppa frænka. Ég gat bara ekki með nokkru móti fundið hana eins náskyld mér og hún er nú......er reyndar einn minn nánast ættingi og sá sem að Kreppa gamla hefur hvað mestar mætur á. Nú veit ég auðvitað ekki hvernig mannlífið hefur verið undanfarin fimm ár, en ég gat ekki betur séð en að allir svöluðu þörfum sínum í skemmtanahaldi og neyslu af fyllstu samviskusemi og óbilandi dugnaði. Miðað við fjörið á Íslandi verð ég að segja bara eins og er........að lífið í Danmörku er bara eins og sónninn í símanum; duuuuuuu duuuuu duuuuu.....og yfirleitt í a.....

Gulli litli í físmoll7

Fram og aftur í tíma....

Það er mikið í umræðunni þessa dagana að hrun efnahagslífsins muni færa okkur 30 til 40 ár aftur í tíman. En er það slæmt? Skoðum þetta aðeins betur. Ég er þeirrar skoðunar að við höfum aðeins misst sjónar af því hvar peningar verða raunvörulega til. Upp er vaxin kynslóð sem virkilega trúir að peningar verði til í bönkum og við að endurskipuleggja fyrirtæki, sameina eða sundra og býtta á bréfum. Lítum nú ca þrjátíu ár aftur í tíman. Þar sem nú stendur verðugur minnisvarði Mammons, Seðlabanki Íslands, stóð Sænska frystihúsið. Þar vann fjöldi fólks og bjó til verðmæti. Raunvöruleg verðmæti. Ekki ætla ég að leggja neina fæð að starfið sem unnið er í Seðlabankanum. Man fólk enn eftir starfseminni sem fram fór á Kirkjusandi? Þar stendur nú Glitnir eða Íslandsbanki (eða hvað þetta heitir nú), eins og stelpan sem starir á hafið. Þar voru áður búin til verðmæti af fólki, í frystihúsi sem að mig minnir Tryggvi Ófeigsson byggði upp(kannski görótt minni sem einhver leiðréttir þá) og hélt uppi atvinnu. Nú mæli ég með að við breytum fjármálahöllunum í frystihús aftur og skellum útrásarvíkingunum í snyrtingu og pökkun..........Og nú spyr ég; er nútíminn ekki bara trunta?

Gulli litli bjargvættur.