Mökunarsérfræðiaðstoð í raunvöruleikanum...

Jæja góðir hálsar og aðrir ágætir útlimir. Nú get ég ekki orða bundist lengur. Eru völdum mínum og áhrifum engin takmörk sett? Ég er hér í sveita míns andlits að leiða íslensku þjóðina í einar mestu fjárhagslegu ógöngur sem um getur, eiginlega einn eða..... ja ég geri alla vega ekki minna gagn en stjórnmálamennirnir....og það geri ég með því einu, að gera ekki neitt. Nú er svo komið að ég verð að gera örstutt hlé á að leysa íslensku þjóðina úr fjötrum, því nú hefur danska þjóðin leitað til mín. Já, hróður Gulla litla berst víða. Ég fékk bréf frá Region Psykiatrisk Center Rigshopitalet þar sem ég var beðinn um að "hjælpe os til at blive klogere på danskernes seksualliv". Takk fyrir. Er einhver hissa á að ég setji þessar smápústrur uppi á Íslandi á hóld? Jæja en alla vega til að fyrirbyggja allan hugsanlegan misskilning, þá er ekki um neinar verklegar leiðbeiningar eða ráðgjöf að ræða því miður. Ég fór undir eins að velta fyrir mér hvernig stæði á því að ég yrði fyrir valinu í verkefnið, datt kannski í hug að hróður minn hefði borist út fyrir landssteinana, þegar ég um árið, var með tennurnar og hárið. Jæja, ég ákvað að gera mitt besta í ráðleggingum, visku og skemmtilegum minningum frá síðustu öld, það er að segja, þegar var eitthvað kynlíf til staðar hjá mér. Þar stendur einmitt hnífurinn í kúnni. Skemað sem ég þurfti að fylla út (ásamt þúsundum annarra....vildi bara ekki segja það strax..hitt lítur betur út fyrir mig), náði eingöngu til síðustu fjögurra vikna. Þannig að allar spurningar um fjör í rúminu var ég neyddur til að svara neitandi samvisku minnar vegna.  Ég er ekki frekur til fjörsins, því að Halldór Kiljan Laxness er sá eini sem hefur haft ofan af fyrir mér í rúminu síðustu vikur. En þið verðið að viðurkenna að þetta leit vel út í byrjun boggs...

Gulli litli ....rismikill og og og og....jájá.

Athugasemdir

[Anna Einarsdóttir, 28.1.2010 kl. 00:27]

Þetta heitir sko að koma út úr skápnum.  Halldór ?!!! 

[Gulli litli, 28.1.2010 kl. 07:19]

Anna; Mér finnst dimmt í skápum.....

[Brattur, 28.1.2010 kl. 22:31]

Ef það er dimmt í skápnum Gulli, þá er bara að kveikja á perunni... en talandi um Halldór Kiljan Laxness... á einhverjum tímapunkti hætti hann að heita Kiljan og hét eftir það bara Halldór Laxness... það er eiginlega eins og þú myndir hætta að heita Gulli litli og myndi bara heita Gulli eftir það... hræðileg tilhugsun...

[Röggi (IP-tala skráð) 28.1.2010 kl. 22:47]

Ég vissi alveg um leið að þetta hlaut að vera einhver misskilningur :)

Kv Röggi

[Gulli litli, 29.1.2010 kl. 05:47]

Brattur; Sammála, sumt má og sumt ekki..

Röggi; Þú gætir nú alveg látið eins einhvern tíman hafi eitthvað gerst í hjá mér í ástarlífinu.......þó ekki væri nema upp á gamlan vinskap! Hvað kostar að fá þig til ljúga upp á mig kvennafarssögum?

[Steingrímur Helgason, 30.1.2010 kl. 01:06]

Ekki dæmi ég þig ven, en þú mættir líta á aðra höfunda en Laxmanninn.

Kynlíf er ofmetin íþrótt..

[Gulli litli, 31.1.2010 kl. 09:22]

Steingrímur; Þakka þér fyrir fordómalausi maður...nema hugsanlega gagnvart Laxmanninum.....Maður getur einfalldlega ekki verið bastur í öllu er það?

[Röggi (IP-tala skráð) 2.2.2010 kl. 18:15]

Gulli minn !! ég mundi nú ekki taka mikið fyrir það , kannski nokkrar Danskar krónur sem ég mundi svo flytja heim og stórgræða :)