Alvarleg hryðjuverkaárás í Árósum....í nótt.

Þar sem það er svo langt síðan ég hef bloggað, og nú er maður nokkuð viss um að enginn les, ákvað ég að "bretta upp hendurnar" eins og Hallbjörn orðaði svo skemmtilega, og blogga. Ég get bara ekki orða bundist eftir að ég varð fyrir heiftarlegri hryðjuverkaárás í nótt. Það atvikaðist með þeim hætti að ég tiltölulega skuldlítill íslendingurinn, fór að sofa í gærkvöldi, að ég hélt, svefni hinna réttlátu. Á meðan Gulli litli svaf kom hinsvegar vespa í heimsókn, vopnuð hríðskotabyssu og gerði árás. Held meira að segja að hún hafi haft breskan ríkisborgararétt og hafi átt eitthvað sökótt við Landsbankann, því svo mikil var heiftin. Já, ok ég ber ábyrgð á hruninu......en boy oh boy. Afleiðingarnar eru þær að ég sit hér við eldhúsborðið, borðandi morgunmat, hriplekur!.....Veit einhver síman hjá Wiki leak?

Athugasemdir

[S. Lúther Gestsson, 5.8.2009 kl. 11:16]

Nei, en ég hef númerið hjá hinum fjólubláa Tinky-winky?

[Hrefna (IP-tala skráð) 5.8.2009 kl. 14:02]

Þú ert óborganlegur hringurinn þinn ;) Meira af þessu

[Gudbrandur Magnusson (IP-tala skráð) 5.8.2009 kl. 20:13]

Ég á bætur í ómældu magni!

[Steingrímur Helgason, 5.8.2009 kl. 22:14]

Já, af öllum þezzum útrázarvíkíngum sem að kennt er um hrunið, þá hefði mér nú eiginlega brugðið við  því að zízt af öllum lángwerzdum zkagztröndúngum heefði ég kennt þér um.

Fallega bláeygður, þetta litla hár zem eftir er dáldið ljózd & fagurt, & næztum því helmíngurinn af tönnunum upp í þér ennþá.

Löngum zkal á manninn reyna að þekkja zína félaga...

[Axel Jóhann Hallgrímsson, 6.8.2009 kl. 08:22]

Gaman að sjá þig aftur gamli, vonandi getur þú stoppað lekann.

[Gulli litli, 6.8.2009 kl. 08:46]

S. Lúther: ég og dóttir mín erum í nánast daglegu sambandi við Tinky-Winky..

Hrefna: gaman að sjá þig hér...

Guðbrandur: áttu nokkuð örorkubætur?

Zteingrímur: ég er úlfur í zauðagæru!

Axel: sömuleiðis félagi...

Gaman að sjá fólk hafa áhuga á öðru en einhverjum smáatriðum eins og heimskreppu og þannig hlutum.....þetta er miklu alvarlegra......Virkilega gaman að sjá ykkur öll ......