Guðlaugur Örn Hjaltason

Afrekaannáll 2009....

Vegna fjölda áskorana og tuðs og suðs hef ég ákveðið að lista upp afrek mín á árinu sem er að líða. Verður ekki farið mjög náið í afrekin og ekki út í nein smáatriði einfalldlega sökum þess að það yrði og langt mál og algerlega óvíst að lesendur mínir báðir(já þú líka pabbi) myndu halda út þá lofgjörð. Verður þetta einföld upptalning til að gera ekki lítið úr þeim sem ekkert gerðu og engu nenntu á árinu.

1. Árið byrjaði vel hjá mér....ég stóð algerlega við áramótaheitið mitt....slappaði af í jan.

2. Man í fljótu bragði eftir að hafa vaskað upp í febrúar!

3. Mars var átakamánuður hjá mér.....ég fór í bað.

4. Apríl.....man ekki eftir neinu sérstöku, en ég hlít að hafa gert eitthvað afgerandi.

5. Maí er alltaf annasamur hjá mér....ég dreif mig í að eiga afmæli maí...líka á árinu þar á undan.

6. Júní.......gaf 50 krónur danskar til Hjálpræðishersins í Aarhus...til að þau þyrftu ekki að syngja.

7. Júlí var einfalldlega of heitur til að gera nokkurn skapaðan hlut!

8. Ágúst....sjá júlí.

9. September...var svo þreyttur eftir annríki ársins að ég fór til Tyrklands..

10. Október....hvíldi mig eftir Tyrklandsförina á Íslandi....Þetta er almennur fengitími..en ég hafði ekki orku...

11. Nóvember...fór allur í að undirbúa desember..

12. Desember fór í að jafna sig eftir undirbúninginn í nóvember fyrir desember...og eitt enn; fór aftur í bað....

Munið bara elskurnar að það er hugurinn sem skiptir máli ekki hvað þú gerir..

Gulli litli zzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzz

Flokkur: Bloggar | 30.12.2009 | 12:51 | Facebook

Athugasemdir

Það sem undrar mig mest er að ég með alla þessa afrekaskrá setti vöðurnar mínar út í glugga allan desember mánuð og ég fékk ekki einu sinni sveiattan frá sveinka!

Gulli litli, 30.12.2009 kl. 13:24

Gleðileg jólin til þín og þinna, Gulli.

Ég vona að komandi ár verði þér gleðilegt og ekki jafn annasamt og strembið og líðandi ár. Það eru jú takmörk fyrir öllu.

Axel Jóhann Hallgrímsson, 30.12.2009 kl. 17:12

Vá hvað þetta var strembið ár hjá þér Gulli. Vona að þú náir að hvíla þig betur á því næsta... Annars er það af mér að frétta að ég fékk í skóinn (inniskóinn) í fyrsta skiptið á ævinni. Þetta var lítil bók með einni opnu og þar var spegill... Guð hvað mér brá þegar ég leit í hann... óver and át...

Brattur, 30.12.2009 kl. 19:26

Skiljanlegt að þú sért þreyttur kallinn. Nýbúinn að vaska upp !

Anna Einarsdóttir, 30.12.2009 kl. 19:33

Axel; Sömuleiðis til þín og þinna...já það eru takmörk fyrir hvað leggjandi er á eina manneskju.....ég hvíli mig vel á nýja árinu með löngum pásum á milli..

Brattur; Já þessir jólasveinar eru óþverar....allavega Rassskellir og Hurðasleikir!

Anna; Já og ég sé ekki betur en að það stefni í annað uppvask 2010!

Gulli litli, 30.12.2009 kl. 22:33