Gott hjá frændum vorum....

Færeyingum að láta frændur vora Dani heyra það. Mér finnst það alltaf hálf grátbroslegt þegar þjóðir sem aldrei hafa veitt eða yfirhöfuð séð hval eru að skipta sér af. Það eitt að hafa lesið Moby Dick gefur ekki rétta mynd. Ekki greiðum við atkvæði hjá helstu olíuríkjum heims er það? Svei Danir ef rétt reynist að atkvæði sé falt hæstbjóðanda.......

Vill Dani úr Alþjóðahvalveiðiráðinu

Er á móti, en....

Ég er alltaf á móti dauðarefsingum og tel að við höfum ekki rétt til að taka líf annara. En...einu skiptin sem dauðarefsingar koma upp í huga mér er einmitt í svona málum. Að nauðga barni er audvitad audvirdulegasti og aumasti glæpur sem hægt er að fremja og ég neita því ekki að ég verð oft hugsi um dauðarefsingar er fjallad er um svona mál.......en samt á móti...

Ekki dauðasök að nauðga barni samkvæmt Hæstarétt Bandaríkjanna

Leirljós hvítabjörn á skaflaskeifum....

í Blöndudal? Æi er þetta  ekki að verða gott. Úlfur úlfur. Annars er víst aldrei of varlega farið. Allt er gott sem endar vel og þetta endaði 30 mín eftir tilkynningu og ráðherrann/frúin náði ekki einu sinni út á flugvöll í einkavélina því limman lenti á rauðu ljósi .....

Bjarndýrsútkall í Langadal

Sankthans og nornirnar...og Jói..vera skýr!

Það er eldgamall siður í Danmörku að halda upp á miðsumar með nornabrennu. Þetta hafa Danir gert frá tímum Óðins og Þórs, það er að segja stuttu áður en ég fór að muna eftir mér. Annað hvort 21 eða 22 júní eru lengstu dagar ársins, en alltaf er haldið upp á Sankthans þann 23 júní þó svo að Sankthans dagur sé þann 24 júní. Ha, nú? Já svona er þetta og þetta minnir mig óneitanlega á föður minn. Þannig er að konan mín á afmæli þann 25 júní og hefur það verið þannig alveg frá því að hún fæddist. En pabbi hringir alltaf tveimur dögum fyrr og óskar henni til hamingju með daginn. Hún á bara afmæli á jósmessunni og það breytir því enginn hjá honum. En þetta var nú útúrdúr. Sankthans eða heilagi Hans, er Jóhannes skírari. Hann semsagt heitir Jóhannes en er kallaður Hans! "Jóhannes, vera skýrari"! Hvað um það, Jesú og Jói óskýri skiptu með sér árinu og einhverjir snillingar fundu út að Jesú(vinur Jóa) ætti afmæli þann 25 des og var því alveg gráupplagt að láta Hans Jóhannes eiga afmæli þann 25 júní. En svo vel sleppum við ekki.  Fræðimönnum hættir til að gera hluti flókna svo þeir líti út fyrir að vera gáfaðri en við sem neðstir erum í fæðukeðjunni. Þess vegna fundu þeir það út að best væri að Jesú ætti afmæli 6 dögum fyrir 1 jan eða 25 des og Jói boy 6 dögum fyrir 1 júlí eða 24 júní. En það er alltaf haldið upp á afmælið hans Jóa daginn fyrir afmælið hans Jóa! Halda upp á að hann á afmæli á morgun? Nú nenni ég ekki að spá í þetta meira.

Gaman væri að vita hvort einhver botnaði eitthvað í þessari færslu...Ég á svolítið erfitt með það sjálfur.

 

sr. Guðlaugur litli... 

p.s. Gaman að sjá hvað fáir vilja eiga Björn Bjarnason í skoðanakönnuninni hér til hliðar! 

Er nokkuð verið að gefa skít..

hjónabandið, þá heilögu stofnun? Nei, nei, auðvitað ekki, bara listamenn á ferð. Ekkert nema gott um það að segja....

Brúðarklæði úr klósettpappír

Og við létum börnin drekka Malt.....

og allt í gamla daga. Allar ömmur sem eitthvert fútt var í gáfu Malt. Öll börn stór og smá lágu semsagt í fylleríi með ömmum og öfum. Ja, heimur svo sannarlega versnandi fer. Nú fæst ekki lengur Malt með alkahóli, nú þá kaupir maður auðvitað grillsósu þegar maður vill detta í það. Reyndar yrði ég rígmontinn ef einhver myndi einhverntíman spyrja mig um skirteini....

 

Gulli litli Daniels frá Alkahóli. 

Of ung til að kaupa grillsósu

þá er þessari flugeldasýningu lokid...

og fólkið og ædarvarpid á Hrauni komið fyrir nes. Ég vil benda þeim á sem hafa stanslaust talað um "bjössa greyið" að það tekur mörg ár ef ekki áratugi að ná upp góðu æðarvarpi. Ég vona bara að Steinn bóndi þurfi ekki einn að bera skaðann ef einhver er. Svona skepnu á að fella strax! það er fólkið sem skiptir máli! Einfallt mál ad slá sér til riddara vid kaffibollann í 101........Punktur.

Ísbjörninn að Hrauni dauður

Til hamingju með afmælið...

Selma Dröfn Birgisdóttir og lýðveldið Ísland...

Gulli litli svili Selmu og sonur lýðveldisins Íslands, sverð þess og skjöldur...

p.s. Bendi á funheita og grafalvarlega skoðanakönnun hér til hliðar!

Steini á Hrauni....orginal töffari.

þegar Gulli litli var miklu minni voru  hann og Steini á Hrauni nágrannar. Steini sem unglingur og strax efnilegur stórbóndi, Gulli litli sem lítill drengstauli og efnilegur auðnuleysingi. Fjórtán ára flutti Gulli litli burt af Skaganum en Steini býr enn þar þrjátíu árum síðar. Fyrir c.a. fimmtán árum síðan var Gulli litli að svala ævintýraþrá sinni og var staddur á Kastrup flugvelli og átti satt að segja ekki von á að hitta neinn. Hvern hitti ég þar nema Steina á Hrauni. Ég held að ég hafi verið HISSASTI maðurinn í flughöfninni og þó víðar væri leitað. þetta rifjaðist upp fyrir mér nú þegar ég les um ísbjörninn og þá er Steini og dóttir hans og audvitad fjölskyldan öll þungamiðja dagsins. Góðar kveðjur í Hraun og faridi varlega.....

med venlig hilsen

Gulli litli

þeim sem finnst það ekki koma málinu við hvort Steini á Hrauni sé töffari eður ei skal þeim sömu bent á að þeim kemur heldur ekkert við hvað ég skrifa á síduna mína. Ég er orðinn leiður á umræðunni um ísbirni og vil láta fella þá strax! Fólk skiptir mig meira máli er birnir...

 

Erfið aðgerð framundan að Hrauni

Er þetta örugglega rétt?

Er þetta miðað við höfðatölu? Á kannski að reyna að segja manni að besti fiskurinn sé norskur? Besta lambakjötið Þýskt? Bestu álverin í Venesúela? Gulli litli danskur? VÉR MÓTMÆUM ALLIR!

 

Gulli litli þjóðargersemi....

Fegurstu konurnar ekki á Íslandi