Ekki kemur þetta á óvart..

en árangurinn ótvíræður, því fagrar eru þið konur. Ég vil heldur hafa mína konu fyrir framan spegilinn í 3.276 stundir heldur en að hún færi 22 ferðir á puttanum til tunglsins. Maður veit ekkert hvernig færðin er þangað. En það vekur athygli að þessi rannsókn er bresk og það vekur spurningar um árangurinn. Þar vil ég meina að séu bara fallegar konur í sjónvarpinu. Ef þú sérð snotra konu getur þú næstum gengið út frá að hún sé frá Íslandi.......Nei, auðvitað ekki, en Íslenskar konur eru fegurri.

Gulli litli spegill tímans.. 

Tímafrekt að hafa sig til: 3.276 stundir

Það eru svo fallegir bekkir...

í Hong Kong. Eðlilegt að maðurinn hafi orðið æstur eða hvað. Nei, það er ekki eðlilegt. Hvernig fara menn að því að sjá eitthvað kynferðislegt við bekk? Hann hlýtur að hafa misskilið orðið æfingabekkur. Hvað segja kynfræðingar um svonalagað? En á svona dögum hlýtur að vara gaman að vera lögga...

Guðlaugur Bekken... 

 

 

Ýmislegt reynt til þess að fá fullnægingu

þetta eru gódar fréttir..

þekktir synir Skagastrandar láta ljós sitt skína.......

 

 

http://www.skagastrond.is/vita.asp?singleNews=1298

 

Ekkert nema gaman....og bara drífa sig.

Gulli litli sem kemst ekki...

Er hræddur um að..

eiginkonu minni til mjög margra ára myndi misskilja það eitthvað ef ég kæmi með 85 kellur til viðbótar á heimilið....Ég held ég láti ekkert á það reyna......

 

Gulli litli einnar konu maður.... 

Mælir ekki með að giftast 86 konum

Tónlist....Jens....Magni...Blogg..

Mikil umræða hefur skapast á bloggi Jakobs bassaskálds og Jens ofurbloggara um hvort tónlist ákveðinna listamanna sé vond eða góð. Hefur þar gætt fordóma. Jens hinn mikli tónlistarpælari hefur mikla fordóma gagnvart léttri popptónlist og Magni söngvari mikla fordóma gagnvart miðaldra bloggurum. Skoðun á tónlist er undarleg skepna og að vera bloggari er ekki síður skrítin skepna. Ég kannast vel við að hafa fordóma gegn tónlist. Ég get nefnt að t.d. disco var ofar mínum skilningi á sínum tíma, þó að í dag viti ég út á hvað það gengur. Ég get nefnt að Abba tónlist þótti mér alltaf skemmtileg þó að ég hafi ekki viðurkennt það á pönkárunum. Ég einn ásamt Ossy Osborne hef þá skoðun að Noddy Holder sé með mestu rokkrödd sem nokkurn tíman hefur komið fram. Og hver er nú Noddy Holder hugsa eflaust margir, en það er ekki það sem skiptir máli. Í dag tel ég mig vera ákaflega umburðalyndan og frjálslegan í skoðunum á tónlist og tekst yfirleitt á finna eitthvað við tónlistina sem mér líkar eða skil eða og helst hvoru tveggja. Ég hef þó steytt á skeri í þessari viðleitni minni, sem dæmi reyndi ég mikið að skilja Sniglabandið en játa mig sigraðan í því máli.  Tilgangur þeirra er vafalaust að vera fyndnir en fyrir mér eru þeir bara ekkert fyndnir. Annar kapítuli er svo ofmetnar hljómsveitir. Þegar ég hlusta á listamann eða hljómsveit sem ég hef aldrei heyrt í fyrr, byrja ég alltaf á að athuga hvort hann semji tónlistina sjálfur. Já, ég hlusta öðruvísi á þegar listamaður er að flytja eigin tónlist. Ég gef alltaf þrjár stjörnur fyrir það eitt að semja sjálfur. Ég hef aldrei heyrt svo ég muni í Á móti sól þannig að ég ætla ekki að dæma en ef þeir semja sína tónlist sjálfir þá eiga þeir strax inni þrjár stjörnur hjá mér. Ef að helmingur þjóðarinnar hlustar á þá, þá getur maður varla sagt að sá helmingur sé bara grunnhygginn og viti ekkert um tónlist. En Magni þú ættir að fara varlega í að kasta í miðaldra bloggara því hvort sem þér líkar betur eða ver, þá nálgast þú óðfluga þennan hræðilega miðaldur og ert boggari. Það gerist hraðar en þú heldur. Það er líka veikleiki að láta gagnríni fara í taugarnar á sér. Jens hefur líka verið brokkgengur í sinum dómum t.d. hélt hann því fram einu sinni að hann nennti ekki á tónleika með cover hljómsveitum eins og Deep Jimi and  the Zep Creams. Þeir eru ekki coverband frekar en Björk. Þarna eru bara fordómar og það gagnvart nafninu á hljómsveitinni. Nafnið lýsir hinsvegar bara hvaðan áhrifin koma. Niðurstaðan er alltaf sú að það er smekkur hvers og eins sem ræður. Það er ekki til vond tónlist, bara mismunandi eyru og skilningur.......

 Gulli litli

Gudni fýlurassgat.....

Ég hef alltaf haldið að Guðni væri með fyndnustu og skemmtilegustu mönnum en sú skoðun mín hefur breyst hratt eftir að hafa hlustað á þennan útvarpsþátt á Útvarpi Sögu. Sverrir Stormsker einn fyndnasti núlifandi íslendingur(það hefur ekki breyst) var ekki einu sinni dónalegur en mér fannst Guðni sýna mikinn dónaskap með því einu að labba út úr þættinum. Guðni þú ert fýlupúki og kjánalegur og hefur ekki snefil af húmor.....Áfram Sverrir........

 

Gulli litli leidindaskjóda...

Umdeildur útvarpsþáttur kominn á netið

Bösk á Skagaströnd...

Lífið er saltfiskur var gjarnan sagt í denn. En þegar kvótinn er farinn úr byggðalaginu þá er lífið ekki lengur saltfiskur né nokkur annar fiskur. Skagstrendingar hafa snúið sér að utankvótategundum eins og menningu og listum. Þegar maður les um dugnað fólksins þar og hugmyndaauðgi, fyllist maður stolti yfir að hafa einu sinni verið hluti af þessu samfélagi. Nýjasta hjá Sköggum er að KK tónlistamaðurinn geðþekki kenni mönnum að böska...

 

http://www.skagastrond.is/vita.asp?singleNews=1291

 

http://www.huni.is/index.php?pid=32&cid=3916

Nes list er annað verkefni Skagstrendinga. Skagaströnd rokkar feitt eins og unglingavandamálin okkar segja.

Skagaströnd.......Keep on rockin..

Gulli litli fyrrverandi Skaggi.... 

Hið makalausa blogg.....Rokkskór og píkuhár.

Ég hef verið að gera tilraunir á blogginu. Ég hef prófað að skrifa eitthvað beint frá hjartanu og um persónulega hluti. Ef þú skrifar um persónuleg mál sem skipta þig öllu máli þá fjara heimsóknirnar út. Einn möguleikinn er auðvitað sá að þú sért bara svo óspennandi persóna að enginn nenni að kíkja inn í hugarheim þinn. Síðasta færsla mín fjallar um píkuhár einhverrar leikkonu. Daginn fyrir færsluna fékk ég 13 heimsóknir en í gær eftir píkuhárabloggið nærri 400. Ég á erfitt með að trúa því en píkuhár á konu sem ég nenni ekki einu sinni að muna hvað heitir séu mun áhugaverðara umfjöllunarefni en ég og það sem mér dettur í hug....Kannski ég semji kvæði um skapahár....hm...spennandi.

 

Gulli litli sérlegur píkuhárafréttaritari mbl.is 

Einhverjar konur yrðu nú ánægðar með svona vandamál..

Ekki nógan hárvöxt neðantil. Munum að þakka guði fyrir tölvutæknina. Ég meina, annars væri Sienna Miller hálf sköllótt að neðan í myndinni. Aldrei hefði ég trúað því að óreyndu að of lítill vöxtur skapahára yrði vandamál sem nauðsynlegt yrði að fjalla um í fjölmiðlum.

Bring back hairy ......

 

Gulli litli... 

Hárvöxtur Miller aukinn

Fari það svoleiðis í sótbölvað.........

Ég er mjög eða tel mig vera mjög meðvitaðan í neytendamálum. Verð mjög "hissí" eins og Danirnir segja ef mér finnst á mér brotið og ég ekki fá það sem ég borga fyrir. Ég var því snöggur upp á lagið þegar internettengingin mín hætti að virka. TDC er fyrirtæki hér í Dk sem er þekkt fyrir annað en liðlegheit í samskiptum við hinn almenna neytanda. Ég ákvað því að koma mér í hið versta skap (mjög vond sköp) áður en ég myndi hringja og kvarta. Það gekk mjög vel og var ég orðinn foxillur löngu áður en ég hringdi. Þegar ég var búinn að intast 1 2 3 eða 4 svona 18 sinnum án þess að fá að tala við lifandi manneskju var ég orðinn froðufellandi og afmyndaður af bræði og mátti nú illa við miklum áföllum útlitslega séð. Loksins svaraði stúlka með ekkert nema silki í röddinni "TDC kundeservis". Ég jós úr skálum reiði minnar yfir ræfilskonuna og ættmenni hennar svona fjóra ættliði aftur. Fékk að tala við deildastjóra og einhver mikilmenni innan TDC og var nú svo komið að ég var búinn að skamma allt frá sendlinum á reiðhjólinu upp í stjórnaformanninn í eignarhaldsfélaginu. Nú skildu þeir sko ekki voga sér annað en að hafa internettenginguna mína í topplagi, nóg borgar maður nú samt! Nú var kominn tími til að róa sig og fá sér einn kaldann. Þá hringir síminn og ég svara; halló. Já, góðan dag ég heiti Jan hjá TDC kundeservis. Jæja, hugsaði ég, á nú loksins að biðja mann afsökunar á því hvernig þeir haga sér....ég var ískaldur og pollrólegur. Þú hefur verið í erfiðleikum með nettenginguna þína er það ekki? Jú, svaraði ég sigri hrósandi. Já, einmitt sagði Jan, það eina sem hægt er að gera í þessu máli þínu er að þú borgir reikninginn þinn! Eh...bor...ha...böh ..já ...undskyld...ja...hm....ok.......tak skal du have.

Gulli litli neytendafrömuður...