Alltaf er þad eins...

þær hafa aðeins brot af launum karla. þær fá ekki stjórnunarstöður til jafns við karla. þær eru mun fallegri en karlar og nú þetta! þær fá fyrr hjartaáföll og fleiri ef þær reykja. Við eigum greinilega langt í land í jafnréttisbaráttunni...

 

Gulli femó..

Áhrif reykinga verri á konur en karla

Ætli sé hægt að kenna þeim....

að svíkja undan skatti? Finna spillta stjórnmálamenn? Finna sviknar merkjavörur? Nei, þeir finna víst því miður ekki mun á löglegum og ólöglegum vörum. En gagnlegar skepnur...

 

Það er einhver hundur í Gulla litla...

Hundum beitt gegn ólöglegum mynddiskum

Kim og Magga.....

eru ótrúlegt reykingafólk. Eftir umræður um fálkaorðuna rifjaðist það upp fyrir mér að Kim var einhvern tíman spurður um hvað hann myndi gera ef hann fengi orðu hjá Möggu Tótu drollu. Hann sagðist ekkert hafa við orðu að gera, en sagðist myndi mæta upp í "höll" í sígó og bjór.

Ég fór niður á bryggju í Bönnerup í gær til að kaupa mér fisk í soðið. Tók gott rölt og kíkti á trillurnar eins og alltaf. Í einni trillunni var límmiði í glugganum sem mér fannst frábær og lýsir mjög vel móralnum í dönsku samfélagi í dag. Þessi miði var ætlaður innbrotsþjófum og þar stóð ; "Ekki stela frá mér, skattstofan sér alfarið um það!"

 

Djöfullinn danskur..

Kim Larsen fer í hart

Óli á Keldulandi, fálkar og þjófar..

Þú ert nú meiri fálkinn er gjarnan sagt ef einhver hefur gert eitthvað miður gáfulegt. Það er því vel við hæfi að orðuveitingar forsetaembættisins skulu bera nafnið fálkaorðan. Ekki að tómir fálkar fái orðuna, heldur finnst mér þessar orðuveitingar kjánalegar. En ég yrði sjálfsagt mættur fyrstur allra á tröppur Bessastaða eins og hinn yfirlýsingaglaði Bubbi Morthens, ef mér yrði boðin orðan. Afi minn sagði að það ætti ekki að þurfa að verðlauna fólk fyrir það eitt að stunda vinnuna sína. Það er töluvert til í því. Gunna Jóns hefur unnið sem ljósmóðir í 45 ár. Öll drjúpum við höfði af virðingu fyrir hennar störfum en samt fékk hún nú laun allan tímann er það ekki? Handboltalandsliðið er vel að orðunni komið, það er ekki það, því vissulega vann það afrek, hvað sem manni finnst um fálkaorðuna.

Þá rifjast upp orð sem einn skemmtilegasti furðufugl sem ég þekki, Óli á Keldulandi sagði einu sinni í löndun á Skagaströnd við mikla kátínu nærstaddra; "Einu sinni hengdu þeir þjófa á krossa, nú hengja þeir krossa á þjófa". Þar átti hann við fálkaorðuna en tilefnið snörp umræða um Árna Johnsen...

 

Gulli litli fálki.....

Það deyja svo margir í Mogganum...

Ég hef aðeins minnst á truntuskap nútímans undanfarið varðandi alla tækni. Tölvutækni er góð og hefur hjálpað okkur til betra lífs en þessi annars ágæta tækni hefur líka sínar skuggahliðar. Til dæmis hefur þessi tækni verið vatn á millu fólks með annarlegar hvatir. Fólk með barnagirnd, mannætur og guð veit hvað. Þetta er meinvarp á tækninni. Amma mín sagði oft í gamla daga "æi, það deyja svo margir í Mogganum" eins og Mogginn væri ástæða þess að fólk dæi og því stórhættulegt plagg. Sjálfsagt er ég farinn að hljóma eins í dag og þá varðandi netið. En það er eitt sem pirrar mig verulega við tæknina. Farsímavæðing nútímans gerir það að verkum mér finnst ég vera að glata sjálfstæði mínu! Ég maður á fimmtugsaldri virðist ekki meiga sleppa því að svara símanum. Spurningar eins og "Hvar varstu, maður"? "Ég var að hringja í þig"! "Af hverju svararðu ekki símanum"?"Af hverju ertu með slökkt á símanum"? dynja á manni ef maður svarar ekki. Auðvitað meinar fólk ekki að þú meigir ekki vera í friði en hraðinn og upplýsingaflæðið er orðið svo mikið að það er farið að þrengja svolítið að persónufrelsinu er það ekki? Reyndar er ég heppinn með hvað fáir hringja í mig. Kannski er ég bara svona "kaupfélags" eða "afdala" en mér finnst þetta samt.

 

Gulli litli "kaupfélags". 

Madur var nú flengdur....

í gamla daga fyrir gestalæti eda "gestapó" eins og þad hét heima hjá mér. þad er líklega erfitt ad flengja svona fallegar og tignalegar skepnur.

 

Gulli litli...

Gestalæti á Pollinum

Nútíminn, Ferguson og Facebook..

Þó ég sé ekki gamall maður að aldri til, þá  hafa hlutirnir breyst hratt frá því ég var lítill. Ekki það að ég sé neitt sérlega stór í dag. Að vísu er ég alinn upp á afskektum annesjum norðanlands þar sem tíminn tók enginn heljarstökk áfram. Svona sem dæmi kom rafmagnið í Skefilstaðahreppinn 1976 og síminn varð sjálfvirkur 1981 ef ég man rétt. Það var aldrei sjónvarp heima hjá mér en maður lét sig hafa það að fara ríðandi þriggja kílómetra leið, ef eitthvað var spennandi á dagskránni, því sjónvarp var á næsta bæ, Hvalnesi. Það er að segja ef við fengum dagskránna því póstinn fengum við einu sinni í viku (pósturinn Hlöðver Þórarinsson ók Land Rover)og þá hljóp maður tveggja kílómetra leið beint upp fjallið til að ná í vikuskammt af Tímanum og Frey. Ég er semsagt alinn upp með rollum, Land Róverum og Fergusonum. Æska dagsins í dag veit sjálfsagt ekki hvað Land Rover(nema auðvitað Range Rover með dvd og leðursætum) og Massey Ferguson er. Að sama skapi er æska dagsins í dag okkur framar í tölvum sem ég hræddist lengi. Sex ára dóttir mín hjálpar pabba sínum oft í tölvunni. Ég gæti hinsvegar leiðbeint henni helling varðandi dráttarvélar, ef við þyrftum eitthvað á þeim að halda.

Ég er loksins orðinn dús við kerfið hér á mbl og nokkuð öruggur í sýsteminu þegar mér er bent hversu hallærislegur ég er. Nú er málið að hafa Facebook! Það nennir ekki nokkur maður að blogga lengur.

Það er bara eitt að segja um þetta; Nútíminn er trunta! 

 

Gulli risaeðla.. 

Ekki kemur þetta á óvart..

en árangurinn ótvíræður, því fagrar eru þið konur. Ég vil heldur hafa mína konu fyrir framan spegilinn í 3.276 stundir heldur en að hún færi 22 ferðir á puttanum til tunglsins. Maður veit ekkert hvernig færðin er þangað. En það vekur athygli að þessi rannsókn er bresk og það vekur spurningar um árangurinn. Þar vil ég meina að séu bara fallegar konur í sjónvarpinu. Ef þú sérð snotra konu getur þú næstum gengið út frá að hún sé frá Íslandi.......Nei, auðvitað ekki, en Íslenskar konur eru fegurri.

Gulli litli spegill tímans.. 

Tímafrekt að hafa sig til: 3.276 stundir

Það eru svo fallegir bekkir...

í Hong Kong. Eðlilegt að maðurinn hafi orðið æstur eða hvað. Nei, það er ekki eðlilegt. Hvernig fara menn að því að sjá eitthvað kynferðislegt við bekk? Hann hlýtur að hafa misskilið orðið æfingabekkur. Hvað segja kynfræðingar um svonalagað? En á svona dögum hlýtur að vara gaman að vera lögga...

Guðlaugur Bekken... 

 

 

Ýmislegt reynt til þess að fá fullnægingu

þetta eru gódar fréttir..

þekktir synir Skagastrandar láta ljós sitt skína.......

 

 

http://www.skagastrond.is/vita.asp?singleNews=1298

 

Ekkert nema gaman....og bara drífa sig.

Gulli litli sem kemst ekki...